U bevindt zich hier: HomeTonko Ufkes

Tonko Ufkes

Hier leggen

Dat leggen. Deur de dieken bonden
wel wiet valt hier de wereld stil
woar wotter aans votstromen wil
het t nou n eigen rustplak vonden.
 
Van boven spiegeln zun en wiend
– zo t liekt n weerlicht die hum dellijt –
as n rivier die t laand niet scheidt
mor dapper weerskanten verbiendt.

 

© Tonko Ufkes


As

As boom, as lindeboom misschien
en dan de stam, de takken, twiegen
omhoog, recht toe de hemel ien.
En lange doagen, lange nachten
perberen uren om te kriegen
en aal op doagen, nachten wachten.

As boom en alle levensdoagen
vast stoan, altied te plak, gewoon
enkel de eigen bloaren droagen.
As boom, van boven tot beneden
van holt hielendal, van top tot toon
wat moet n boom tevreden weden.

 

© Tonko Ufkes